Ciidammada Xoogga Dalka Soomaaliyeed iyo kuwa deegaanka ayaa saakay hawlgal culus waxa ay ku qaadeen malleeshiyaad ka tirsan kooxda Khawaarijta oo si dhuumaaleysi ah kusoo galay deegaanka Aboorreey ee gobolka Hiiraan, ayadoo ciidammadu ay gebi ahaanba ka saareen malleeshiyaadkii Khawaarijta deegaankaasi Aboorreey.
Related posts
Ciidammada ayaa hadda sii baacsanaya firxadka malleeshiyaadka kooxda Khawaarijta ah ee dagaalka looga saaray aaggaasi.
Malleeshiyaadka kooxda Khawaarijta waxaa ku socda hawlgal saf ballaaran, ayadoo lagu hayo weerarro joogto ah waxaana hawlgalladii ugu dambeeyey ay ka socdaan nawaaxiga degmada Ruun-nirgood, deegaannada Guullane iyo Ceel Cali Axmed ee gobolka Shabeellada dhexe iyo deegaanno dhaca inta u dhaxeysa degmooyinka Buulo-Burte iyo Jalalaqsi ee gobolka Hiiraan.
Dhammaan hawlgallada iyo weeraradaasi waxaa jab xooggan lagu gaarsiiyey malleeshiyaadka Khawaarijta .
