Wafdi uu hoggaaminayo Guddoomiyaha Hay’adda Maareynta Musiibooyinka Qaranka, Maxamuud Macallin Cabdulle ayaa maanta gaaray degmada Moqokori ee gobolka Hiiraan, isagoo halkaas gaarsiiyay shixnad Daawo ah oo loogu talo galay garab istaaga Ciidamada deegaanka ee gobolka Hiiraan iyo kuwa Qaranka ee ka wada howlgallo ka dhan ah khawaarijta.
Dawadaan oo iskugu jirta qeybo kale duwan, ayaa muhiim u ah ciidamada qaranka iyo kuwa deegaanka waxaana ka guddoomay Xildhibaano ka tirsan BFS, Wasiirka Arrimaha Gudaha maamulka Hirshabeelle, Guddoomiyaha Gobolka Hiiraan iyo masuuliyiin kale.
Sidoo kale guddoomiyaha SoDMA ayaa booqday dhismaha Isbitaalka degmada Moqokori oo heer gabogabo maraya, iyo Ceelka biyaha laga cabo ee degmadaasi, isagoo si gaar ah u xogwareystay dadka gacanta ku haya goobahaan baahiyaha jira si Hay’adda uga caawiso.
,Guddoomiyaha ayaa intaas kadib kulan la qaatay Taliyaha Hay’adda Nabad Sugida iyo Sirdoonka Qaranka ee NISA, Md. Cabdullaahi Maxamed Cali Sanbaloolshe, waxaana Guddoomiyaha Taliyaha uu la wadaagay warbixin guud oo la xariirta sida hay’adda u garab istaagantahay Xaq-u-dirirka deegaanka iyo ciidamada Qaranka, in gurmad oo ballaaran kana kooban Daawo iyo Raashin markale hay’adaha gobolkaan soo gaarsiin doonto dhowaan.
