Wasiirka Arrimaha Dibadda iyo Iskaashiga Caalamiga ee Jamhuuriyadda Federaalka Soomaaliya, Mudane Cabdisalaan Cabdi Cali ayaa maanta oo jimce khadka taleefanka kula hadlay dhiggiisa dalka Singapore, Dr. Vivian Balakrishnan.
Labada wasiir ayaa ka wada hadlay xoojinta xiriirka laba geesoodka ah ee u dhexeeya labada dal, iyagoo si gaar ah u adkeeyay muhiimadda ilaalinta iyo taageeridda mabaa’diida madax-bannaanida iyo wadajirka dhuleed ee Jamhuuriyadda Federaalka Soomaaliya, taas oo waafaqsan sharciga caalamiga ah iyo Axdiga Qaramada Midoobay.
