Shirweynaha Xiriirinta Ganacsiga Soomaaliya iyo Shiinaha ayaa maanta magaalada Muqdisho ka furmay, iyadoo ay ka qeybgalayaan masuuliyiin ka tirsan Dowladda Federaalka Soomaaliya, ganacsato Soomaaliyeed iyo wafdi ganacsi oo ka socda Shiinaha.
Shirweynaha ayaa diiradda lagu saaraya xoojinta xiriirka ganacsi iyo dhaqaale ee Soomaaliya iyo Shiinaha, kobcinta fursadaha maalgashi iyo sidii loo abuuri lahaa iskaashi cusub oo dhex mara ganacsatada labada dal.
Sidoo kale, madasha ayaa lagu falanqeynayaa fursadaha ganacsi iyo maalgashi ee Soomaaliya ka jira, iyadoo la doonayo in la isku xiro ganacsatada labada dhinac, lana dhiirrigeliyo iskaashi ku saabsan dhinacyada kala duwan ee dhaqaalaha.
Shirweynaha oo maanta, 25-ka Agoosto 2026, ka socda Muqdisho ayaa qayb ka ah dadaallada lagu xoojinayo xiriirka ganacsi ee Soomaaliya iyo Shiinaha.
