Raโiisul Wasaare Ku-Xigeenka Xukuumadda Federaalka Soomaaliya, Mudane Saalax Axmed Jaamac, ayaa maanta si rasmi ah u furay Madasha Isku-xirka Ganacsiga Soomaaliya iyo Shiinaha oo ay soo qabanqaabisay Wasaaradda Ganacsiga iyo Warshadaha, taas oo ka furantay caasimadda Muqdisho.
Madasha ayaa waxaa ka soo qayb-galay wasiirro ka tirsan Xukuumadda Federaalka Soomaaliya, Safiirka Soomaaliya ee Shiinaha iyo kan Shiinaha ee Soomaaliya, Rugta Ganacsiga iyo Warshadaha Soomaaliyeed, Rugta Ganacsiga Afrika iyo Shiinaha, iyo ganacsato iyo maalgashadeyaal ka kala socda Soomaaliya iyo Shiinaha.
Raโiisul Wasaare Ku-xigeenka ayaa ku dhiirrageliyey shirkadaha iyo maalgashadeyaasha Shiinaha in ay ka faaโiidaystaan fursadaha maalgashi ee Soomaaliya, gaar ahaan kaabayaasha dhaqaalaha, waxsoosaarka, kalluumaysiga, beeraha, tamarta, gaadiidka iyo saadka, isaga oo xusay muhiimadda ay leedahay in iskaashiga ganacsi uu horseedo shaqo-abuur iyo kor u qaadista waxsoosaarka gudaha.
Madashan ayaa qayb ka ah hindisayaasha Xukuumadda Dan Qaran ku ballaarinayso xiriirka ganacsi iyo maalgashi ee Soomaaliya iyo dalalka caalamka, lagu na abuurayo xiriir toos ah oo dhex mara ganacsatada Soomaaliyeed iyo suuqyada caalamka, iyada oo sidoo kale xoogga la saarayo kordhinta badeecadaha Soomaaliyeed ee loo dhoofiyo suuqyada dibadda.
