RADIO MUQDISHO(BAYDHABA):-Hoggaamiyaha ku meel gaarka ah ee Koonfur Galbeed Soomaaliya, Mudane Jibriil Cabdirashiid Xaaji Cabdi, ayaa Kullan la yeeshay Guddoomiyaha Urur siyaasadeedka SINCAD, Mudane Maxamuud Khaliif Jabiye oo uu wahliyey Musharaxa Xisibiga oo ka tartamaya KGS Mudane Cabdifataax Maxamed Ibraahim (Geesey).
Kullanka ayaa diirada lagu saaray sidii loo dardar-gelin lahaa howlaha doorashooyinka dowlad goboleedka Koonfur Galbeed Soomaaliya oo ay shaqo xoogan ka socoto.
Hoggaamiye Jibriil ayaa ku ammaanay Urur siyaasadeedka SINCAD sida ay ugu diyaarsan yihiin ka qeybgalka doorashada KGS, isagoo hadalkiisa ku daray muhiimada ay leedahay in laga wada shaqeeyo xasilloonida iyo maamul wanaagga Koonfur Galbeed Soomaaliya.
Guddoomiyaha Urur siyaasadeedka SINCAD Mudane Maxamuud Khaliif Jabiye, ayaa dhankiisa ka mahadceliyey kullanka, isagoo tilmaamay in Gudigga Doorashooyinka ay ku howlan yihiin sidii ay si deg-deg ah ugu qaban lahaayeen doorasho loo siman yahay.
