Abaal marino caalami ah aya la gudoonsiiyay shaqsiyaad iyo hey’ado Soomaaliyeed kuwaasi oo loo aqoonsaday Tusaaleyaasha dhanka horumarka bulshada soomaaliyeed sanadan 2016, tartankan oo ahaa mid ay codkooda ka dhiibanyeyeen bulshada soomaaliyeed oo soconayey mudooyinkii u dambeeyey ayaa la soo gabo gabeeyey habeenimadii xalayto, waxaana magaalada london lagu qabtay xaflad balaadhan oo abaalbarino lagu gudoonsiinayey xubnihii guulaystay.
waxaa munaasabadan abaalmarinta lagu gudoonsiinayey xubnaha ku guulaystay tartankan qabanqaabadeeda iska kaashaday ururo iyo Ganacsato soomaaliyeed waxaana kasoo qayb galay, bulshada qaybaheeda kala duwan iyo siyaasiyiin katirsan dawlada ingriiska, Abdirisaq ciise waxa uu kamid yahay ururka dhalinyarada ee ATM oo kaalin wayn ka qaatay qaban qaada munaasabadan balaadhan waxana uu ka warbixnayaa waxa ku kalifay in daahfuro abaalmarintan caalamiga ah.
intii ay socotay munaasabadan ayaa waxaa lagu soo bandhigay dhamaan xubnaha tartamayey iyo waxqabadkooda waxaana lagudoonsiiyey abaalmarino caalami ah 5 xubnood oo ku guulaystay qaybaha uu ka koobnaa tartankan oo kala ahaa .
1: Waxbarashada, Xaawo Jaamac Cabdi, oo ah gabadh araga naafo ka ah oo waxkabarata gudsiga indhoolayaasha ee magaalada hargaysa, xaawo oo qisada waxbarashadeedu ay soo wada jiidatay dareenka bulshada soomaaliyeed kadib markii ay u soo bandhigtay warbaahinta soomaalida iyadoo taasna ku hanata codka bulshada soomaaliyeed ee shiqsiga ugu dadaalka badan dhanka waxrashada sanadan 2016 .
2: Ganacsiga, Dahabshiil Group, oo ah shirkad ganacsi oo ay ka hawlgasha guud ahaanba caalamka, sigaarana uga shaqaysa geeska africa .
3: Ciyaaraha, Maxamed Faarax,oo dadka badankooduna ay uyaqaanaan MO FARAH muwaadin soomaaliyeed oo u orda orordada dhaadheer dalkan ingriiska soona hooyey bilado caalami ah kaasi oo ku guulaystay xidiga ciyaaraha bulshada soomaaliyeed ee 2016.
4: Howlkarnimada, Hey’ada Adeso Africa, oo ka shaqaysay arimaha gargaarka biniaadanimo ee qaarada africa gaar ahaana gayiga soomaalida .
5: Madadaalada, Maxamed Ali, oo ah wiil soomaaliyeed oo films sameeye ah kaasi oo kaalin wayn kagajira samaynta filimada aduunka isagoo horay ugasoo qayb qaatay Montana Movie oo uu Director ka ahaa .
waxaana shiqsiyaadkan iyo hey’adahani ay ka guulaysteen tartamayaal kale oo u loolamayey inay kaalmo ka galaan abaalmarintan caalamiga ah.
shiqsiyaadkan iyo haayadahan kaalmaha ka galay tartanka oo intooda badan goobjoog ahaa ayaa umahadnaqay ururada soo qaban qaabiyey munaasabadan, waxaanay abaalmarintani noqondoontaa mid sanadle ah taasi oo lagi dhiiri galindoono qofkasta oo muujiya dadaal uu ku horumarinayo bulshada soomaaliyeed .
