Allaha u naxariistee waxaa goor-dhow ku geeriyooday magaalada Hargeysa Abwaan Maxamed Ibraahim Warsame (Hadraawi) oo ka mid ahaa tiirarka udub dhexaadka u ah Fanka iyo Suugaanta Soomaaliyeed.
Abwaan Hadraawi ayaa sanadahii dambe ku xanuunsanayay magaalada Burco oo uu deggenayaa.
Wasiirka Wasaaradda Warfaafinta XFS, Daauud Aweys Jaamac ayaa ka tacsiyeeyay geerida naxdinta leh ee ku timid, Alle ha u naxariiste, Abwaan Maxamed Ibraahim Warsame (Hadraaawi).
Maxamed Ibraahim Warsame (Hadraawi) wuxuu ku dhashay magaala madaxda gobolka Togdheer ee Burco sanadki 1943kii, wuxuuna ka mid ahaa hal abuurrada ugu muuqa dheer geyiga Soomaaliyeed.
انا لله وانا اليه راجعون
