Waxaa dib u soo laabanaya Adeegyada bulshada Deegaannadii laga saaray Kooxda Shabaab ee gobolka Bakool, iyada Magaalada Xudur ay ka soconayaan Mashaariic lagu dhisayo Xarumaha Danta Guud.
Sida uu soo sheegayo Wariye Maxamed Xasan Cabdiraxmaan Deegaanno badan oo dhawaan Shabaab laga saaray waxaa ka jira xaalado Muujinaya inay dib si Xowli ah ugu soo laabanayaan adeegyada Aas Aas ka u ah Nolosha dadka iyo Duunyada ku nool gobolka Bakool gaar ahaan Degmada Xudur.
Isbadal wayn ayaa laga dareemayaa dhanka ganacsiga gudaha degmada Xudur taasi oo sababtay kaddib markii ciidamada qalabka sida ee Dowladda oo kaashanaya kuwa AMISOM ee ka socda dalka Itoobiya ay isku fureen deegaanno kala xirnaa kuwaas oo ay muddooyin dhowr ah ay dadka ku xanibi jireen kooxda Shabaab wax ayna hadda goobahaas oo idil u muuqda kuwo isbadalay , maalin walba dagmada waxaa soo gaara gawaari wada Raashin Samafal ah maaha gawaaridaas kuwo ciidan ay Waardiyaynayaan waana Horumarka Degmada ka jira.
Dadka reer Bakool ayaa isku diyaarinaya munaasabadda maalinta ciidda Carrafo iyaga oo dareemaya jawi nabadeed iyo ciidamo daacad u ah shacabka.
Qiimaha Raashinka la iibiyo ayaa aad u hooseeya ganacsiga Gobolka Bakoolna aad ayuu u socdaa dadka danyarta ahna waxaa wajiyadooda ka muuqata farxad ay u qabaan Dowladnimada Soomaaliya iyo ciidamada qaranka oo marwalba garabtaagan bulshada Gobolka.
