Afar qofood ayaa ku geeriyootay ku dhawaad 20 kalena wey ku dhaawacantay madaafiic xalay lagu garaacay xaafado ka mid ah magaalada Baydhabo.
Madaafiicda oo la rumeysanyahay iney ka dambeeyeen maleeshiyaadka argagixisada Shabaab ayaa dadka ku dhintay iyo kuwa ku dhaawacmayba ay ahaayeen shacab an waxba galabsan.
Dadkii ku dhaawacmay duqeyntaasi ayaa la dhigay Isbitaalka guud ee magaaladaasi halkaasoo lagu daweeynayo.
Ciidamada amaanka ayaa markiiba billaabay baaritaano la xiriira madaafiicdaasi, iyagoo ilaa saaka wada howlgallo dheeraad ah oo lagu xaqiijinayo ammaanka magaaladaasi.
Madaafiicdan oo u muuqday kuwo an loo meel dayeeynin ayaa ku dhacay xaafado ay dad rayid ah degganyihiin.
