Agaasimaha Cusub ee Wakaaladda Wararka SONNA Β Mudane Cali C/qaadir Cali ayaa maanta xilka kala wareegay Agaasimii hore ee wakaaladda Mudane C/laahi Sheikh C/raxmaan Haybe.
Munaasabadda xil wareejinta oo lagu qabtay xarunta Wakaalada Warara SONNA,waxaa ka hadlay Agaasimaha Guud ee Wasaaradda Warfaafinta Dhaqanka iyo Dalxiiska, Mudane C/raxmaan Yuusuf Sheekh Al-Cadaala,oo ugu horeyntii ka mahadceliyay shaqadii wanaagsaneyd ee ay Qaranka usoo qabteen maamulki hore,wuxuuna Agaasimaha cusub kula dardaarmay in uu halkaasi ka sii wado howsha cusub ee loo idmaday.
Agaasimaha cusub ee ee wakaaladda ,Cali C/qaadir Cali oo isna munaasabaddaasi ka hadlay ayaa Agaasimihii hore ku ammaanay howshii uu qabtay mudada uu haayey xilka,wuxuuna ballanqaaday in uu la imaan doono dardar cusub oo ku wajahan socodsiinta howlaha warbaahinta Qaranka.
Munaasabddaasi waxa goobjoo ahaa, Agaasimaha cusub ee Telifishinka, Mudane Faarax Salaad Dharaar, Agaasimaha Xiriirka Goboladda C/laahi, Maareeyaha Golaha Murtida iyo Madadaalada Qaranka Maxamed Abuukar Ma’da,Β madaxa wararka ee wakaaladda Cumar Faarax , iyoΒ madax qeybyada wakaaladda.
