Agaasimaha Guud ee wasaaradda Boostada iyo Isgaarsiinta Mudane Axmed Xaaji Cabdi oo gaaray dalka Jarmalka magaalada Municha ayaa halkaas uga qaybgalaya shir soconaya 5 maalmood kaasoo ay soo qabanqaabisey hay’adda Isgaarsiinta Caalamka (ITU).
Shirkan oo saaka ka bilawdey xarunta weyn ee shirkadda Rohde iyo Schwartz oo ah shirkadda ugu horeysa caalamka ee sameysa qalabka lagu maamulo laguna maareeyo Isticmaalka Hirarka (Spectrum Management). Shirkan oo lagu casuumay agaasimaha kadib codsi ay wasaaraddu u dirtey hay’adda ITU baahida dawladda Soomaaliyeed u qabto inay maamusho hirarka kala duwan ee ay Isgaarsiintu ku shaqeeyaan.
Related posts
Shirkan oo socon doono illaa jimcaha ayaa waxaa ka qaybgalaya waddamo badan oo ka kala yimid waddamada soo koray waxaana halkaas lagu soo bandhigayaa noocyada qalabyada kala duwan iyo sharaxaaddooda.
Agaasimaha Guud ee wasaaradda Boostada iyo Isgaarsiinta oo kulan hordhac la yeeshey masuuliyiinta ITU uga qaybqaadaneysa shirka iyo madaxda shirkadda ayaa warbixin ka siiyay xaaladda dalka Soomaaliya gaar ahaan hormarka Isgaarsiinta dalka ka jirta iyo baahida ay dawladdu u qabto iney dib u qaabeyn ku sameyso isla markaana maamusho hirarka kala duwan.
Wasaaradda Boostada iyo Isgaarsiinta ayaa wadda dardar culus oo kusaabsan arimaha Isgaarsiinta iyadoo sharciga Isgaarsiintuna uu horyaallo golaha baarlamaanka
