Agaasimaha Guud ee Wasaaradda Caafimaadka iyo Daryeelka Bulshadda Dr Cabdinuur Mukhtar Ibrahim ayaa maantay kormeer shaqo ku tagay Isbitaalka Hooyadda iyo Dhallaanka ee Banadir si uu ugu kuurgalo shaqada ka socoto Isbitaalka iyo adeega Caafimaad ay helaan Bulshadda Soomaliyeed.
Agaasimaha Guud ayaa booqday dhawr qaybood oo kala ah qaybta bukaan socodka, qaybta shaybaarka, qaybta dhalmadda , qaybta umusha, qaybta xanaanayta carruurta aadka u yar yar, qaybta ICU, ee xanaanada hooyada uurka leh ee xaaladda adag ku jirto sidoo kale qaybta kaydka daawadda, qaybta qaliinka, kaydka dhiigga, qaybaha Carruurta ayaa sidoo kale booqday Agaasimaha gaar ahaan qaybta gaar-gaarka dag-daga ee Carruurta, qaybta Carruurta ee jadeecada haleesho, qaybta nafaqadaradda, waxaa kale oo Agaasimaha booqday qaybta xarunta dhaxe ee wicitaanka adeega COVID-19 (Call center).
Intii ay socotay booqashada ayuu Agaasimaha indha indheeyay meelihii uu bur burka xooggan ka soo gaaray qaraxii ka dhacay aagga Isbitaalka.
Agaasimaga Guud ayaa u kuur galay dhammaan hawlaha iyo dadaaladda ay wadaan Maamulka iyo howlwadeena Caafimaad ee ka kashaqeya Isbitaalka, isagoo kulama gaar-gaar ah la yeeshay Mamaamulka qeybaha uu booqday kana waraystay Shaqadda iyo caqabadaha u baahan in lawajaho.
Ugu danbeyntii Agaasimaha Guud ayaa u mahadceliyay dhammaan Muumulka iyo Shaqaalaha Isbitaalka Hooyadda iyo Dhallaanka ee Banadir.
