Agaasimaha Guud ee Wasaaradda Gaadiidka iyo Duulista Hawada Mudane Omar Afrah ayaa kulan la yeeshay Ku-simaha Kaaliyaha Xoghayaha Guud ee Qaramada Midoobay (Acting Assistant Secretary-General โ ASG), ahna Madaxa Xafiiska Taageerada Qaramada Midoobay ee Soomaaliya (UNSOS), Marwo Sadozai.
Kulanka ayaa diiradda lagu saaray xoojinta xiriirka iyo iskaashiga u dhexeeya Wasaaradda Gaadiidka iyo Duulista Hawada iyo Qaramada Midoobay, gaar ahaan sidii loo sii horumarin lahaa taageerada farsamo iyo tayeynta awoodda Wasaaradda ee dhinacyada duulista rayidka (aviation sector).
Labada dhinac ayaa sidoo kale ka wada hadlay sidii loo xoojin lahaa amniga iyo badqabka garoomada diyaaradaha (airport safety and security), iyadoo muhiimad gaar ah la siinayo horumarinta nidaamyada, awoodaha iyo adeegyada la xiriira duulista hawada.
Intii uu kulanku socday, waxaa si gaar ah looga wada hadlay xilliga kala-guurka (transition period) iyo muhiimadda ay leedahay in la helo iskaashi iyo qorsheyn mideysan oo lagu xaqiijinayo in Wasaaradda iyo hayโadaha Soomaaliyeed ay si hufan ula wareegaan masuuliyadaha la xiriira hawlaha duulista iyo taageerada farsamo.
Agaasimaha Guud ayaa uga mahadceliyey Qaramada Midoobay taageerada ay si joogto ah u siiso Soomaaliya, isaga oo adkeeyey muhiimadda ay leedahay in la sii xoojiyo wadashaqeynta, gaar ahaan horumarinta awoodda hayโadaha, badqabka duulista, tayeynta garoomada diyaaradaha iyo dhismaha nidaam duulimaad oo waara oo waafaqsan heerarka caalamiga ah.
