Kulankaan oo ahaa wadatashi laxiriira udiyaar-garoowga Shir-waynaha Warfaafinta Soomaaliya oo dhawaan Ka dhacaya magaalada Garoowe ayaa Agaasimaha Guud ee Wasaaradda Warfaafinta Dhaqanka iyo Dalxiiska uu maanta la yeeshayย Wasiirka Warfaafinta iyo Isgaarsiinta ee Puntland, Mudane Cabdi Xirsi Cali Qajab, Wasiir Ku xigeenka Cabdirisaaq Shiikh-aduun, Agaasimayaasha Wasaraadda, Madaxda Ururka MAP iyo Guddiga Sare ee Saxaafadda Puntland.
Ugu horayn Mudane C/rixmaan Yuusuf Sheekh Cadaala Agaasimaha Guud ee Wasaaradda warfaafinta ayaa ugu mahadceliyay madaxda Wasaaradda warfaafinta Puntland iyo Map sida wanaagsan oo ay ugu soo dhoweeyeen magaalada Garowe iyo dadaalada ay ugu jiraan horumarinta Warbaahinta.
Related posts
Mar uu ka hadlay Agaasimaha Guud ahmiyadda shirka ka furmaya Garowe ayaa wuxuu yiri “Shirka Warfaafinta ee dhawaan inoo qabsoomidoona wuxuu marxalad cusub iyo nuuc cusub oo wadashaqayneed u abuuridoonaa dhamaan qaybaha ka shaqeeya arrimaha Warfaafinta, sida Wasaaradaha heer Federaal iyo heer Dawlad-goboleed, Warbaahinta Dawliga ah iyo Warbaahinta gaarka loo leeyahay intaba”.
Wasaaradda Warfaafinta Dhaqanka iyo Dalxiiska ayaa dadaal badan ugu jirta sidii warbaahinta dowliga ah iyo mida gaarka loo leeyahay ay bulshada Soomaaliyeed u gaarsiin lahaayeen fariin wanaagsan, iyadoo arintaasina ay soo dhoweeyeen masuuliyiinta warfaafinta ee Puntland
Ugu danbayntii kulankaan waxaa sidoo kale ka qayb galay Lataliyayaasha Wasaaradda, Cabdiraxmaan Maxamed Aadan Koronto iyo Mubaarak Cabdiraxmaan Maal.
