Agaasimaha Guud ee Wasaaradda Warfaafinta Xukuumadda Federaalka Soomaaliya ayaa shir guddoomiyay kulan gaar ah oo looga hadlayay dar-dargalinta iyo tayeynta howlaha Warbaahinta Qaranka, waxaa ka qeybgalay Agaasimayaasha Warbaahinta iyo qaar ka mid ah Agaasime waaxeedyada Wasaaradda.
Kulanka gaarka ah ayaa xoogga lagu saaray in kor loo qaado Barnaaamijyada dhiiri-galinaya dowladnimada iyo dib u dhiska dalka, waxaa sido kale diiradda lagu saaray xoojinta wax soo saarka dalka, kheyraadka dabiiciga ah ee dalkeenna uu leeyahay ee Barri iyo Baddba dhax ceegaaga.
Agaasimaha Guud ee Wasaaradda Warfaafinta Xukuumadda Federaalka Soomaaliya Mudane Cabdullaahi Xayir Ducaale ayaa ku bogaadiyay Agaasimayaasha Warbaahinta Dowladda sida ay Mas’uuliyad isaga saareen kor u qaadista howlaha Warbaahinta Qaranka, haatanna loofa fadhiyo inay labo jibaaraan howlaha loo igmada.
