Agaasimaha guud ee wasaaradda waxbarashada Hiddaha iyo Tacliita Sare Mudane Axmed Xasan Yuusuf ayaa maalintii labaad kormeer iyo dhiiri galin ku tagay xarumaha imtixaanka qaranka uu ka dhacayo ee gobalka banaadir waxana uuna dardaaran iyo dhiiri galin u sameeyay ardayda imtixaanka galay.
Sidoo kale waxa uu kulan la qaatay maamulayaasha dugsiyada imtixaanku ka dhacayo, Saraakiisha ciidamada booliska Soomaaliyeed ee ku shaqada leh aminga goobaha uu imtixaanku ka dhacayo.
Agaasimaha guud ee wasaaradda waxbarashada ayaa Kormeerkiisa waxaa qeyb ka ahaa Soo dhaweynta ardayda Dagmada Baraawe oo imtixaanka ku galay magaalada muqdisho.
waxana ardaydu ay heleen soo dhaweyn iyo in aysan ka habsaamin imtixaanka.
Wasaaradda waxbarashada xukumadda federaalka Soomaaliya ayaa ku howlan Horumarinta waxbarashada dalka waxaana ay ardayda Soomaaliyeed ay ugu baaqeen inay xoojiyaan waxbarashada.
Ku dhawaan 36-kun oo arday ayaa sanad dugsiyeedka 2019/2020 waxa ay u fadhiisteen imtixaanka dowladda ee fasalada laba iyo tobonaad waana sanadkii lixaad oo wasaaradda waxbarashada dowladda Soomaaliyeed ay hormuud u noqoto imtixaanaadka dalka.
