Agaasimaha Hay’adda Socdaalka iyo Jinsiyadda ee Dowladda Federaalka Soomaaliya Gaashaanle sare Maxamed Aadan Koofi ayaa kormeerey xaafiisyada hay’addu kuu leedahey magaalada Cadaado, isaga oo halkaas kula kulmay shaqaalaha ka howlgala iyo qaar ka tirsan bulshada degmada.
Agaasimaha oo uu wehlinayo madaxa howlaha hay’adda ayaa kormeeray xafiiska, kaasi oo ujeedkiisu ahaa hubinta hab-sami u socodka howlaha hay’adda ay u heyso bulshada, wuxuuna saraakiisha kula dardaarmey in ay u guttaan waajibka Qaran si waafaqsan sharicyada dalka.
Gaashaanle sare Maxamed Aadan Koofi ayaa warbixinno ka dhageystay howlwdeenada hay’adda ee ka howlgalla magaalada Cadaado.
Agaasimaha ayaa ku guda jira kormeerka sanadlaha ah ee uu ku sameynaynayo xaafiisyada iyo howlaha hay’adda guud Soomaaliya ka waddo, wuxuuna hore u soo marey qeybo badan oo gobollad dalka ka mid ah.
