Agaasimaha cusub ee Waaxda Farsamada Dhulka Dowladda Hoose ee Xamar ayaa maanta si rasmi ah ula wareegay xilka loo igmaday.
Munaasabadda xil-wareejinta waxaa goobjoog ka ahaa qaar ka mid ah Agaasimayaasha Guud ee Maamulka Gobolka Banaadir, Agaasime Waaxeedyo, Wakiilka Duqa ee Arrimaha dhulka iyo Howlwadeeno kale oo ka tirsan Maamulka Gobolka Banaadir iyo Dowladda Hoose ee Xamar.
Agaasimaha Waaxda Shaqada iyo Shaqaalaha Dowladda Hoose ee Xamar Mudane Xuseen Cabdullahi Xasan ayaa xilka u kala wareejiyay labada Agaasime kadib markii uu dhawaan isbadal ku sameeyay waaxdaasi Guddoomiyaha Gobolka Banaadir Ahna Duqa Magaalada Muqdisho Mudane Yuusuf Xuseen Jimcaale (Madaale).
Agaasimihii hore ee Waaxda farsamada Dhulka mudane Cali Macalin Xuseen ayaa shaqaalaha Waaxda ka codsaday inay la shaqeeyaan maamulka cusub.
Agaasimaha cusub ee Waaxda Farsamada Dhulka Mudane Yaasiin Nuur Ciise ayaa codsaday in gacan lagu siiyo gudashada waajibaadka loo igmaday.
