Mas’uuliyiin uu hor kacayo Agaasimaha guud ee Wasaaradda Haweenka iyo Horumarinta Xuquuqda Aadanaha Xukuumadda Federaalka Soomaaliya ayaa maanta xarunta Gaari Dumar ee magaalada Muqdisho gaarsiiyay Agabka looga hor tagoyo Safmarka COVID-19, sida Af-xir (Face Mask) iyo dareeriyaasha jeermiska lagu dilo oo loo yaqaano (hand sanitizers.)
Ololaha wacyigelinta Safmarka coronavirus waxaa Wasaaradda haweenka la kaashanayso Xafiiska hey’adda UNICEF Soomaaliya, sida oo kale waxaa horey Wasaaraddu u gaarsiisay Agabkan qaar kamid ah dugsiyada waxbarashada Magaalada Muqdisho si loo xakameeyo faafitaanka Cudurka coronavirus.
