Agaasimaha Guud ee Wasaaradda Warfaafinta, Dalxiiska iyo Dhaqanka ee Dowladda Federaalka Soomaaliya Mudane Cabdirazaaq Cali Yuusuf Bahlaawi ayaa kula kulmay Magaalada Khartoum ee Caasimadda Dalka Suudaan Dhigiisa Dalka Suudaan Mudane C/maajid Haaruun Cabdimaajid.
Kulankaas oo ka dhacay Xafiiska Agaasimaha Guud ee Wasaaradda Warfaafinta Dowladda Suudaan ayaa waxa goobjoog ka ahaa Agaasimaha Wakaaladda Wararka Soomaaliyeed ee Sonna Axmed faarah Gaatamow, Agaasimaha Waaxda Tababarada iyo Shaqaalaha ee Wasaaradda Warfaafinta Mudane Cabdulaahi Sheekh Cabdulaahi Haybe , iyo Uqaybsaha Warfaafinta Safaaradda Soomaaliyeed ee Dalka Suudaan Mudane Fiidow Maxamuud Fiidow.
Kulankan ayaa waxa ay labada Mas’uul ka wada hadleen sidii labada dhinac isku waydaar sanlahaayeen khibradaha midkasta uu leeyahay iyo in dib loo howl galiyo hishiis u dhaxeeya labada Dowladood gaar ahaan Wasaaradaha Warfaafinta Soomaaliya iyo Suudaan kaas oo la saxiixay sanadka markuu ahaa 2007.
Sidoo kale waxa ay Wafdiga Wasaaradda Warfaafinta Soomaaliya ay kulan la qaateen Goloha Warbaahinta Dibadda oo hoos taga wasaaradda Warfaafinta Dowladda Suudaan iyagoo arimo badan kala hadlay iyo sida uu u shaqeeyo golohaas.
Waxa ayna labada dhinac isku raaceen in maalmaha soo socda ah hishiiskaas fulintiisa ay qalinka ku duugaan si dhawaan loo bilaabo in la dhaqan galiyo Hishiiskaas oo Wasaaradda Warfaafinta Soomaaliya faa’ido badan ugu jiraan.
Wafdiga ayaa khartoum ku sugnaan doona muddo isbuuc ah si ay kulama kale ula yeeshaan howlaha booqashadooda quseeya.
