Telefishinka Qaranka Soomaaliyeed ayaa todobaadkan si rasmi ah u bilaabay baahinta barnaamijyo toos ah oo ay dadweynaha kaga qeyb geli karaan, kaasi oo looga hadlayo hadba mowduuca markaas taagan, waxaana uu iminka ku talaabsaday horumar dhanka baahinta tooska ah.
Agaasimaha Telefishinka Qaranka Mudane Cabdiraxmaan Yuusuf Sheekh Cumar Al-cadaala ayaa sheegay in tebinta tooska ah ay bulshada fursad u tahay, isla markaana ay uga faa’iideysan karaan inay madaxda su’aalo weydiiyaan.
Mudane Cabdiraxmaan Al-cadaala ayaa tilmaamay in bulshada ay madaxdooda weydiin karaan su’aalaha ay tabayaan, isagoo intaa ku daray inay sii xoojinayaan fursadaha ay bulshada u heli karaan inay madaxdooda xog wareystaan.
“Runtii Wasiir Maareeye ayaa dadaal badan geliyay, waxaan ugu hambalyaynayaa Ummadda Soomaaliyeed ee saddexdii maalin ee la soo dhaafay ee sida tooska ah uga qeyb qaatay, runtii dadweynuhu iyaga oo goobahooda shaqo ama guryahooda jooga ayay ka qeyb qaadan karaan barnaamijyada tooska ah ee ka baxaya Telefishinka Qaranka” ayuu yiri Agaasime Cadaala.
Agaasimaha Telefishinka Qaranka ayaa tilmaamay in barnaamijyo gaar ah oo ay ugu talagaleen dadweynaha laga baahin doono telefishinka Qaranka, isla markaana dadweynaha iyo madaxda ay si toos ah u wada hadli doonaan, si talada dadweynaha loo dhageysto oo madaxda.
Halkan ka dhageyso
