RADIO MUQDISHO:-Agaasimaha Hay’adda Sirdoonka iyo Nabadsugidda Qaranka ee NISA Mudane Mahad Maxamed Salaad ayaa maanta kormeeray xarunta Ciidanka NISA ee degamada Balanballe ee gobalka Galgaduud, halkaas oo lagu tababarayo ciidamo ka tirsan Hay’adda.
Agaasime Mahad Salaad ayaa inta uu kormeerka ku jiray la kulmay ciidamada tababarka ku jira, isagoo kula dardaarmay inay ka dhabeeyaan ballanta ay u qaadeen difaaca dalka, dadka iyo diinta.
Agaasimaha Hay’adda NISA iyo wafdi uu hoggaaminayo ayaa ku sugan degmada Balanballe oo maalmaha soo socda marti geli doonta munaasabado waaweyn oo dib u heshiisiin ah.
