Maxkamadda darajada koowaad ee ciidanka qalabka sida ayaa saaka xukun min 15 sano oo xabsi ciidan ah ku ridday Dereyn Antonio Perez, 44-jir British ah, iyo Axmed Mustaqiim Binu Cabdixamiid, 34-jir Malaysian ah “kadib markii lagu helay” in ay Al-Shabaab kamid ahaayeen una qaabilsanaayeen qorida ajaaniibta iyo xiriirka Al-Qaacida, sida uu ku dhawaaqay garsooraha.
Labadan nin ayaa sanadkii 2019 waxaa qabtay ciidanka ammaanka Puntland xilli ay isku dayayeen in ay u gudbaan dalka Yemen, ka dibna waxaa loo soo wareejiyay magaalada Muqdisho.
