Dib-u-habaynteenna hortebinta leh lama gaari karo wada shaqeyn laβaan iyo gaaridda siyaasado muhiim ah. Si loo hagaajiyo amniga waxa loo bahaynahay in dhaqaalaha si siman loo qaybsado, si dhaqaalaha loo kobciyo oo barwaaqa loo gaarana waxaa loo baahanyahay siyaasad loo dhanyahay. Arintaan waxa ay awood noo siinaysaa in aad daboolno baahiyaha bulshadeenna.
Related posts
Waxa aan ka shaqaynayaa in aad dib u soo celinnoΒ qabkiii ummadda, isxilqaan Ayaan dibΒ ugu dhisanyaa dalkeenna
Waxa aan garaawsannahay in meesha ugu horeysa ee dawladi ay sharciyad ka hesho ay tahay dadkeeda, waxa aanna xaqiiqsannahay in kalsoonida iyo rabitaanka shacabku uu yahay tiir muhiim u ah dawlad wanaagga
Dadka Soomaaliyeed waxa ay Rabaan, kalsooni ku qabaan, u abaabulanyihiinΒ una baahanyihiin dawlad wanaag loo dhanyahay. Dadkeenna badankii waa ku daaleen in talada dalku ay gacanta ugu jirto dad kooban.
Dadka Soomaaliyeeed ugu danbayn waa diideen In kuwa xilalka sare haya ay aayaha dalka goβaan ka gaaraan iyada oo aan la fiirinayn rabitaanka shacabka
Mudanayaan iyo Marwooyin
Maanta waxa aan halkaan uga doodaynaa siyaasad loo dhanyahay. Hase yeeshee waxa aan rabaa in aad in aan idin xasuusiyo wadahadalkeennii sannad ko hor ee khuseeyay ajandaha dib usoo kabashada dhaqaalaheenna, xilligaas oo aan idin waydiiyay in aan qaadanno qatar wayn si wax yar oo wanaag ah aan u samayno.
Iyadoo u muuqatay xilligaas wax aan suuragal ahayn, hadana natiijadii ka dhalatay xanuunka dib u habaynta iyo taageeradiinna waxa ay Soomaaliya heshay taageero miisaaniyadeed oo toos ah oo aan horay loo arag iyo istaraatiijiyaddii ugu horeysay ee bankiga adduunku uu uga qayb qaadanayo horumarka.
Waxa aan dhiirri gelinaynaa taageeradiinna soo kabashada dhaqaalaheenna, waxa aanna si gaar ah ugu mahadcelinayaa bangiga iyo heyβadda lacagta adduunka, midawga yurub iyo deeq bixiyaasha kale
Haye yeeshee waxa aan qabaa in hadii sidaas oo kale aan diiradda u saarno ajandayaasha siyaasadda loo dhanyahay in aan gaari karno guul lamid ah horumarka aan ka gaarnay soo kabashada dhaqaalaha.
Iyada oo aysan jirin taageero dibadda ah oo wayn, waxa aan siyaasadda loo dhanyahay ka qabannay si wada jir ah wixii aan qaban karnay, maadaama aaan haysanay ujeeddo aan ka midaysannahay oo cad.
Waxa aan isku raacnay habka ay u dheceyso doorashada 2020, sharcigii doorasahda ayaa horumarin ku socotaa, shan cutub oo kamid ah 15ka cutub ee dastuurka ayaa dib u eegis dhamaystiran lagu sameeyay.
Waxa aan si qota dheer uga shaqaynaynaa federaalkaynta, waxa aan gaarnay heshiisyo wax ku ool ah, oo khayraadka lagu qaybsanayo sida heshiiska kalluumaysiga, shidaalka, iyo macdanta
