Madaxweynihii hore ee Suudaan, Cumar Al Bashiir ayaa maanta la horgeeyay maxkamadda ku taalla magaalada Khartuum si loo dhageysto dacwadda musuq maasuq ee loo heysto.
Waxaa si weyn loo adkeeyay ammaanka agagaarka maxkamadda.
Markii xukunka laga tuuray Al Bashiir bishii April, waxaa gurigiisa laga helay lacag malaayin doolar ah.
Dhageysiga dacwadda loo heysta Al Bashiir ayaa bishii lasoo dhaafay dib loo dhigay markii ay geeriyootay hooyadiis.
Dalka Suudaan ayaa mowjado dibad baxyo ah dhex galay 2018 ilaa markii dambe xukunka laga tuuray Madaxweynihii taladda dalka hayay.
