Wasiirkii Wasaaradda Howlaha guud iyo dib u dhiska Xukuumadda Federaalka Soomaaliya Allaha u naxariistee Cabaas Sheekh C/laahi Siraaji ayaa goor dhow lagu dilay magaalada Muqdisho.
Related posts
Dilka Wasiirkii howlaha guud waxaa xaqiijiyey Wasiirka Wasaaradda Warfaafinta iyo hanuuninta dadweynaha Eng C/raxmaan Cusmaar “Yariisoow” oo isagu shaaciyey in baaritaan lagu hayo kooxihii falkan dilka ah ka dambeeyey kuwaasi oo ay hay’adaha ammaanku gacanta ku hayaan.
Dowladda Federaalka Soomaaliya ayaa la filayaa inay si rasmi ah war faah faahsan uga soo saarto dilka Wasiirka iyo sida uu u dhacay.
Marxuum Cabaas Sheekh C/laahi Siraaji ayaa sidoo kale ka mid ahaa Xildhibaannada Golaha Shacabka waxaana geeridiisa ka tacsiyadeeyey Ku Simaha Madaxweynaha Dalka ahna Guddoomiyaha Golaha Shacabka Mudane Maxamed Sheekh Cusmaan “Jawaari”.
INAA LILAAHI WA INAA ILEEYHI RAAJICUUN
