Allaha u naxriistee waxaa maanta magaalada Muqdisho ku geeriyooday Sheekh Cabdi Nuur Sheekh Axmed Eebakar oo ku magaca dheeraa (Sheekh Cabdi Sheekhaal), waxaana da’diisa lagu sheegay in ay gaaraysay 90 sano isagoo kamid ahaa culimada waa weyn ee Soomaaliyeed oo ka qeyb qaatay fidinta Diinta Islaamka.
Geerida ku timid Sheekh Cabdi Kheekhaal ayaa waxaa ka tacsiyeeyay Xildhibaan Khaliif Maxamed Xaaji Xasan oo kamid ah mudaniyaasha Barlamaanka Soomaaliya.
Sheekha ayaa la sheegay in uu mudooyinkii dambe uu ka tabanayay xanuun dhanka Neefaha ah waxaana uu maanta ku geeriyooday Xaafadda Cali Kamiin degmada Warta nabadda ee gobolka Banaadir.
