Ergayga gaarka ah ahna Guddoomiyaha Guddiga Midowga Africa ee Soomaaliya, Francisco Caetano Madeira,ayaa ku amaanay Ciidamada Midowga Africa ee ku sugan Gobolka Shabeellaha hoose sida ay uga hortageen iska hor imaad ay Maleeshiyada Al-Shabaab ay kula galeen Gobolkaasi.
Ciidamada oo si adag u dagaalamay ayaa ku guuleystay iney dib u celiyaan Kooxda Argagixisada Al-Shabaab oo weeraro is xig-xiga ku qaaday deegaanada Buula-mareer,Golweyn iyo Qoryooley oo dhammaantood ka tirsan Gobolka Shabeellaha hoose.
War ka soo baxay AMISOM ayaa lagu sheegay in marka hore Xagjiriinta weerarkooda ay ku bilaabeen Qaraxyo,waxaana la bur buriyay labo ka mid ah gawaari ay ka soo buuxiyeen Walxo Qarax,sidoo kale Ciidamada ayaa la wareegay nuucyo kala duwan oo hub ah oo Maleeshiyada ay ku dagaalamayeen.
AMISOM,ayaa sheegtay in weerarka kaga dhinteen Afar askari,halka lix kale dhaawacyo fudud ay soo gaareen,waxaana Madaxda AMISOM ay ku amaaneen Ciidamada sida geesinimada leh ay Maleeshiyada Al-Shabaab uga hortageen una hureen naftooda.
“ Waan ku faraxsanhay Ciidamadeena geesiyada ah,kuwaasi oo aan ka daalleyn sii wadida iney ka taqalusaan Kooxda Argagixisada si ay nabad iyo Xasilooni ugu soo celiyaan Soomaaliya,” ayuuyiri Mr. Madeira.
