Taliska howlgalka Midowga Afrika ee AMISOM ayaa beeniyay warar sheegayay in ciidanka AMISOM ay dad shacab ah ku dileen magaalada Marka ee xarunta gobolka Shabeellaha hoose.
War saxaafadeed ka soo baxay AMISOM ayaa lagu sheegay in ciidankooda howlgal ay ka fuliyeen abaaro 8:45am ee shalay xarun ay ku tababartaan maleeshiyada Al-Shababa oo ku taala deegaanka Juujomo oo u dhow deegaanka Ceel Hindi ee gobolka Shabeelaha hoose, halkaasi oo iska hor imaad ku dhexmay argagixisada Al-Shabaab iyo ciidanka AMISOM, lagu dilay shan ka tirsan maleeshiyaadka Al-Shabaab oo uu ku jiray horjooge lagu magacaabi jiray Maxamed Daahir
War-saxaafadeedka ayaa sidoo kale lagu sheegay in howlgalkaasi ay ciidamada AMISOM ku furteen labo qori oo kuwa daran dooriga ah u dhaca iyo qalab loo adeegsado waxyaabaha qarxa, halka ay goobta ku gubeen maro ay calaan ahaan u wateen maleeshiyaadka Al-Shabaab.
AMISOM ayaa si cad u sheegtay in aysan waxba ka jirin eedeymaha loo jeediyay ee la xiriira in ciidamadooda ay dad rayid ah ku dileen magaalada Marka, waxaana ay intaa ku daray inay joogteenayaan howlgallada ka dhanka ah kooxda Al-Shabaab, si dib loo soo celiyo xasiloonida iyo amniga deegaanada ay ku noolyihiin dadka rayidka ah.
Warar shalay ka soo baxay magaalada Marka ee xarunta Gobolka Sh/Hoose ย ayaa sheegay ย in ciidamda Amisom ee ku sugan Marka ay dil u geysteen dad shacab ah qaar kalena ay dhaawaceen.
