Amisom ayaa sheegtay in ay bilowday howl lagu dayac tirayo wadada isku xirta magaalada Dhoobleey iyo garoonka diyaaradaha ee magaalada duleedkeeda ku yaala .
Dhismaha wadadan oo ah 5KM waxaa fulinaya qeybta labaad ee ciidanka Amisom kuwaas oo ka howlgala deegaannada maamul goboleedka Jubbaland Soomaaliya .
Related posts
Taliyaha qeybta labaad ee Amisom jeneraal Paul Njema ayaa sheegay in shaqada la qabanayo ay tahay nadiifinta keymaha wadada dhinacyadeeda ah,dayactirka wadada iyo qeyb ka mid ah garoonka, gaar ahaan dhabaha ay diyaaradaha ku ordaan si ay sahal u noqoto in diyaaraduhu u degaan dhib la,aan.
Paul Njema wuxuu kaloo sheegay in ay talaabadan qeyb weyn ka qaadan doonta dhaqdhaqaaqa badeecooyinka iyo ganacsiga degmada Dhoobleey.
Guddoomiyaha magaalada Dhoobleey Siyaad Maxamed Xasan ayaa sheegay in shaqada dayactirka ay gacan ka geysan doonto horumarka magaalada islamarkaana ay kordhin doonto duulimaadka garoonka dhoobleey.
