Related posts
Xildhibaannada aqalka Sanate-ka ee dalka Mareykanka ayaa hakiyay doodda qaraar ee mustaqbalka soo afjari lahheyd ku lug lahaanshaha Milatari ee Mareykanka ku lug leeyahay colaadda sokeeye ee dalka Yeman.
Codeynta Golaha Sanate-ka Mareykanka u codeeyay qraarka ku saabsan joojinta taageerada milatary ee Mareykanku ka geysto dagaalka ka socoda dalka Yeman ayaa ku soo beegantay xilli dhaxal sugaha Boqortooyada Sacuudiga Amiir Mahamed Salman booqasho Seddex Todobaad ah uga bilaabatay dalka Mareykanka
55 ka mid ah Xubnaha aqlka sare ee dalka Mareykanka ayaa diiday qaraarkaa halka 44 ka mid ahna ay ogolaadeen inuu Mareykanku sii wado Taageerada uu ka geysto dagaalka ka socda dalka Yeman ee ka dhanka ah Xuutiyiinta.
Ciidamada Mareykankaย ayaa hadda taageero ka siiya xulufada uu Sacuudiga hoggaamiyo dagaalka ka dhanka ahย Xuutiyiinta oo la sheegay inay taageerto Iiran.
Senetarada uga cad cad ee Mooshinkan soo abaabulay waxaa ka mid ahaaย Bernie Sanders oo ka tirsan xisbiga Dimoqaraadiga wuxuuna Warfidiyeenka u sheegayย in uu doonayo in Mareykanka uu joojiyo faragelinta Milatari ee uu ku hayo Yeman isla markaana la soo afjaro colaadda sokeeye ee galaafatay nolasha kumannaan qof oo rayid ah.
Madaxweynahaย Mareykankaย Donald ย Trump ayaa waxa u dhaxal sugaha Boqortooyada Sacuudiga Amiir Mahamed bin Salman kala hadlay hubka Niyuukleerka Iiraan iyo xasaradda ka taagan dalka Yeman, waxaana Trump uu sheegay in Sacuudiga uu yahay saaxiibka ugu weyn ee Mareykanka.
Dhanka kale Madaxweynaha Mareykanka ayaa kala hadlay dhaxal sugaha Sacuudiga maalgelinta Sacuudiga iyo Mareykanka oo gaareysa 200 bilyan oo dollar sida ay soo warisay Wakaaladda wararka ee Reuters.
