Wasaaradda Caddaaladda iyo arrimaha dastuurka Xukuumadda Federaalka Soomaaliya,ayaa maanta ka daah furtay magaalada Muqdisho Aqoon-isweydaarsi la xiriira hoggaaminta wax-ku-oolka ah ee hoggaanka Sare ee hay’adaha Cadaaladda iyo garsoorka Soomaaliya.
Kulankan oo ay kaso qayb-galeen Guddoomiyaha Maxkamadda Sare Mudane Bashe ahmed, wasiirka Cadaalada Mudane Xasan Macallin Maxamuud, Xerr-ilaaliyaha guud ee Qaranka Mudane Suleyman, Wasiirada cadaaaladda dowladaha xubnaha ka ah DFS, Madaxda Ciidanka asluubta, iyo Dhammaan xeer-ilaaliyaasha iyo Guddoomiyayaasha Maxkamadaha dalka, ayaa ujeedkiisu ahaa in dhammaan bahda Cadaaladda iyo Garsoorka dalka ay is weydaarsadaan afkaarta iyo aqoonta la xiriirta maamulka, maareynta iyo kor-u-qaadista adeegyada cadaaladeed ee guud ahaan dalka.
Guddoomiye Baashe oo si rasmi ah u furay kulanka iyo Mas’uliyiinta kala duwan ee soo xaadiray aqoon-isweydaarsigan ayaa bogaadiyay soona dhaweeyay kulankan kuna adkeeyay wasaarada cadaaladdu in ay joogto ka dhigto kulamadan oo kale.
Wasiir Xasan,ayaa uga mahadceliyay dhammaan madaxda kasoo qayb gashay kulanka sido kalena xusay “Madaama bulshada Soomaaliyeed naga sugayso hoggaamin wax-badali karta waa muhiim in aynu kulamo joogto ah oo aqoon-isweydaarsi aan yeelana si aan wax u kala barano wixi hore ee aan naqaanayna dib-u-eegis ugu samayno si wadar ahna aan bulshada u gaarsiino adeeg cadaaladeed oo hufan”.
