Aqoon isweydaarsigan oo lagu baranayo Maamul Daadajinta Bushada Rayidka ah ee Deegaanada Galmudug ayaa Maanta ka furmay Magaalada Dhuusamareeb, waxaana ka qeybgalaya 30 Qofood oo ka kala soda 7 Degmo oo ay ugu horeyso Caasimada Galmudug waxaana iska kaashanaya Wasaaradda Arrimaha Gudaha iyo Federaalka Soomaaliya iyo Wasaaradda Arrimaha Gudaha Galmudug.
Guddoomiyaha Gobolka Galgaduud Macalin Axmed Cali Jicaaleb ayaa sheegay in Kulankan uu Muhiim u yahay Bulshada wuxuuna ka soo qeyb galayaasha kula dardaarmay inay waxyaabaha ay ka faa’iidaan ay dib ugula laabtaan Deegaanada ay ka yimaadeen.
Wasiiraka Wasaaradda Arrimaha Gudaha Galmudug Maxamed Xayir Nuur ayaa waxa uu xusay in Shirarka Nuucaan ah la gaarsiin doono Deegaanadda Galmudug si dadka loo fahansiiyo Federaalka.
Ugu dambayn Agaasimaha Waaxda Dowladaha Hoose iyo Xasilinta Wasaarada Arrimaha Gudaha Soomaaliya Yaxye Cumar Xirsi ayaa waxa uu sheegay inuu ku faraxsan yahay ka soo qeybgalka Aqoon kororsigaan Bulshada Galmudug loo qabanayo.
Bulshada Deegaanada Galmudug oo loo qabto Tababarada la xiriira Maamul Wanaaga iyo Barashada Federaalaka ayaa waxa ay ka gacan siinaysaa ka qaybqaadashada Dhismaha Maamul Taya leh.
