Aqoon isweydaarsigaan ayaa Maanta Lagu qabtay Magaalada Dhuusamareb ee Caasimadda Galmudug kaasoo diirada lagu saarayey ilaalinta Xuquuqda Carruurta waxaana iska kaashaday Wasaaradaha Haweenka iyo Xuquuqul Insaanka Soomaaliya iyo Galmudug, iyadoo ay ka soo qaybgaleen Bulshada Qaybaheeda kala duwan sida Culimada iyo Waalidiinta.
Waxyaabaha laga dooday ayaa waxaa ka mid ahaa ilaalinta iyo Dhowrista Xuquuqda Carruurta waxaana ugu Muhiimsanaa in Carruurtu helaan Waxbarasho iyo in laga hortago Askarayynta Carruurta. ka qeybgalayaasha ayaana isku raacay in Bulshada Dhexdeeda laga sameeyo Wacyi galin la xiriirta ilaalinta Xuquuqda Carruurta Soomaaliyeed.
Hodon Cabdi Shire, Wasiirka Haweenka iyo Xuquuqul Insaanka Galmudug ayaa ka hadashay Gabagabada Aqoon is waydaarsiga waxayna Sheegtay in la qabtay Doodwadaag Bulshada loogu tagay Xaafadaha si loo ilaaliyo Carruurta Xuquuqdooda.
Dhinaca kale Wasiirka ayaa waxay xustay in deegaanno ka mid ah Galmudug Kooxaha Al-habaab Hadda Carruurta ay ku askareeyaan taasoo dhibaato ku ah Bulshada una baahan in laga hortago Arinkaas.
Aqoon iswaydaarsigaan ayaa waxa uu ku soo aadayaa Xilli Deegaanno ka mid ah Deegaanada Galmudug Kooxaha Al-shabaab ay ku dhibaateeyaan Carruurta Soomaaliyeed, kuwaa oo Askareeya..
