Guddoomiye ku-xigeenka labaad ee Golaha Aqalka sare Senator Mowliid Xuseen Guhaad ayaa magaalada Muqdisho ka furay aqoon isweydaarsiga doorka Baarlamaanada ee hirgelinta hiigsiga 2030,kaasi oo inta uu socda ay ka faa’ideysan doonaan Mudanayaasha Baarlamaanka ee labada Aqal.
Aqoon isweydaarsigan ayaa waxaa si wadajir ah u soo qaban qaabiyay labada Gole ee Baarlaamanka Federaalka Soomaaliya iyo Hay’adda UNDP,waxaana mudada labada maalin uu socdo diirada lagu saarayaa ka mira dhalinta yoolka 2030-ka ee Soomaaliya.
Guddoomiye ku-xigeenka labaad ee golaha Aqalka sare Baarlamaanka Soomaaliya Mudane Mowliid Xuseen Guhaad ayaa sheegay in ka qeyb galayaasha barnaamijkan looga baahan yahay wixii ay ka faa’ideystaan iney gudbiyaan saaxiibadoodaa aan fursada u helin iney ka soo qeyb galaan.
Nahiid Husein oo ah madaxa qaybta siyaasadaha loo dhan yahay ee UNDP oo ku hadleysay magaca Hay’ada UNDP, waxay sheegtay in Baarlamaanka Soomaaliya uu door muhiim ah ka ciyaari karo in Soomaaliya ay yeelato hadaf cad oo ku wajahan 2030.
Aqqon isweydaarsigan doorka Baarlamaanada ee Hirgelinta Hiigsiga 2030 ayaa waxa uu soconayaa mudo laba maalmood ah, waxaa fulinaya Hay’ada UNDP, iyadoo maalinta barito ah ay soo soo xiri doonaan xubno ka socda Guddoonka.
