Siminaarkaan loo furay Haweenka xildhibaanada ah ee baarlamaanka Soomaaliya ku jira oo ah mid soconaya sadex maalmood loogana hadlayo doorka haweenka ee siyaasadda iyo horumarada kale ee la xiriira ayaa waxaa lagu qabtay magaalada Muqdisho waxaana ka qayb galay gudoomiye key_xigeenka labaad ee baarlamaanka mudane Mahad Cabdalla Cawad, Xeer_ilaaliyaha guud ee Qaranka ,wasiir key_xigeenka wasaaradda Haweenka iyo horumarinta xaquuqul insaanka ,sidoo kale ku xigeeenka madaxa midawga Africa haweeneyda lagu magacaabo Ladio wayonte.
Siminaarka waxaa soo qaban qaabiyay Xafiiska Dumarka u qaabilsan AMISOM waxaana ugu horeynba halkaa ka hadlay Ladiyo Wayonte oo ku dhiiri galisay haweenka Soomaaliyeed doorka ay ku leeyihiin Siyaasada Soomaaliya,
Wasiir ku xigeeenka wasaarada haweenka iyo horumarinta xuquuqul insaanka Marwo Muumino Sheekh Cumar ayaa iyaduna waxaa ay amaan iyo bogaadin u soo jeedisay AMISOM garab istaagooda haweenka Soomaaliyeed.
“Maanta waxaa sharaf noo ah haweenka xildhibanada ahsare u qaadida awoodooda oo la dhisayo Aad iyo Aad ayaan ugu mahad celinayaa AMISOM oo soo abaabushay dhinaca sharciga in ay ka dhisto haweenka baarlamaanka waana uga mahad celineynaa waana ku faraxsanahay sida quruxda badan ee maanta la iskugu yimid aqoon kororsigan” sidaasi waxaa tiri wasiir key_xigeenka haweenka Soomaaliya.
Gudoomiye key_xigeeenka labaad ee baarlamaanka mudane Mahad Cabdalla Cawad ayaa waxaa uu si rasmi ah u furay siminaarka waxaana uu la dar daarmay Haweenka loo qabtay Siminaarka ee xildhibaanada ah isagoo u sheegay inay muhiim tahay aqoon kororsiyada noocaan ah.
