Iyadoo wadanka uu ka jiro maalgashi fara badan oo bilicda magaalada muqdisho kor u qaaday ayaa waxaa bogaadiyay maalshiga lagu sameyanayo dalka Aqoonyahan C/casiis Xasan Amalo (Giyaajo) isagoo sheegay in muhiim ay tahay dib u dhis iyo maalgashi lagu sameeyo dalka shaqooyin loo abuuro dhalinyarada Soomaaliyeed ee ku dhamaanaya badaha iyo saxaraha aduunka.
Siyaasiga C/casiis Xasan Amalo (Giyaajo) oo ah dhaqaaleyahan maalgashi badan ku sameeyay dalka iyo guud ahaan qaarada Africa ayaa waxa uu xusay in xoojinta dowladnimada ay ku jirto in laga faa’ideysto aqooyahanada Soomaaliyeed dadkuna gacmaha ay is qabsadaan.
Mr. C/casiis oo ku sugan magaalada Beledweyen oo uu kaga qeyb galay caleema saarka Ugaas Xasan Ugaas Khaliif oo laba maalin ka hor lagu caleema saaray ayaa halkaasi kula kulmay salaadiinta dhaqanka ee caleema saarkaasi ka qeyb galay kuwaasi oo ka kala yimid deegaanada iyo degmooyinka guud ahaan 18 gobol ee dalka, iyadoo aqoonyahanka uu kala hadlay salaadiinta sida muhiimka ay u tahay ka wada shaqeynta iyo soo celinta karaamada iyo sharafta dadka iyo dalka Soomaaliyeed.
Ugu Dambeyntii Aqoonyahan C/casiis Xasan Amalo (Giyaajo) oo sii hadlay ayaa sheegay in uu wax badan kala shaqeyn doono horumarinta carruurta agoonta ee lagu xanaaneeyo xarunta agoonta ee Ugaas Khaliif magaalada Beledweyne ee uu booqday isla markaana uu ugu deeqay joodariyaal carruurtaasi taasi uu sheegay in hor dhac ay u tahay garab istaag uu doonayo in uu garab itaago carruurtaasi agoonta.
HALKAN KA DHAGEYSO
