Waxaa Isbuucaan gudaheeda dalka Turkiga gaar ahaan magaalada Istanbul ka dhacey Xaflad qalinjabin ah oo ay soo abaabuuleen ardayda ka qalinjabiyey dugsiga sare, ardaydan oo sanadkii 2011 deeq waxbarasho ka heley dowlada Turkiga ayaa ugu dambeyn si farxad leh ku dhameystey waxbarashadoodi heerka dugsiga sare ayagoo u sii gudbi doona heerka Jaamacadda.
Xafladda ayaa waxa soo agaasimay Midowga Ardayda Dugsiga Sare ee Istanbul (MADSI),ardayda qalinjabisey sanadkaan ayaa waxay kala dhiganaayeen ilaa iyo 8 Iskuul oo ku yaala Magaalada weyn ee Istanbul,Xafladaan ayaa noqotey kii ugu horeeysey ee qalnjabin ey dhigtaan Ardey Soomaaliyeed oo ku sugan dalka Turkiga.
Xafladda ayaa waxaa ka soo qeybgaley Madax ka tirsan ah dowlada Soomaaliya,guddi ka tirsan Midawga Ardayda Somaliyeed ee Istanbul iyo ururo ay kamid yihiin WEAREONE iyo Somali Voice.
Xildhibaan C/qaadir Cali Cumar oo ka tirsan Baarlamaanka Soomaaliya oo kamid ahaa mas’uuliyiintii xafladda joogtay oo goobta ka hadlay ayaa ardayda ku booriyaya in ay kudadaalaan waxbarashada isla markaana ay noqodaan kuwo ka faa’ideysta fursada ay siisay dowladda aynu walaalaha nahay ee Turkiga.
