Ardaydaan oo dhigta Jaamacadda Muqdisho ayaa u fariisatay imtixaanka lixda bilood ee ugu horeeya ee Jaamacadda (Semester one) kuwaas oo garayey 4,000 kun oo arday kaas oo socon doona sadaxda illaa 15’ka bishaan.
Diiwaan hayaha guud ee Jamacadda Muqdisho Dr Maxamed Xasan Nuur oo Warbaahinta lahadlay ayaa sheegay in imtaxaanka maanta uu ka bilowday xaruumaha Jamacadda Muqdisho ay ku leedahay gobolka Benaadir.
“Xarumaha Jaamacadda ayuu ka bilaabanayaa 3-da illaa iyo 15’ka bisha Janaayo imtixaanka ayaa ah mid lagu soo gabo gabeynayo lixda bilood ee ugu horeysa “semesterka koowaad” ee sanad dugsiyedka 2014-2015, Sagaaal kuliyadood ayuuna u bilowday” ayuu yiri Diiwan hayaha Jaamacadda Muqdisho
Diiwaanhayaha ayaa sheegay in ardayda imtxaanka galaya uu u rajeyay natiijooyin aad u wanagsan
