Taliska Ciidanka Boliiska Soomaaliyeed oo dhawaan Ogeysiis uu ka sii daayay Warbaahinta lagu ogeysiinayay ardayda ka baxay dugsiyada sare in ay ku soo biiri karaan ciidamada boliiska Soomaaliyeed oo ay ka mid noqonayaan ayaa maanta waxaa imtixaan magaalada ugu fariistay ardayda soo codsaday ka mid noqoshada ciidamada.
Taliyaha Booliska Soomaaliyed Gen Maxamed Sheekh Xasam Xaamud ayaa furay imtixaanaadkaasi oo ardayda u faah faahiyay muhiimada ka mid noqoshada ciidanka boliiska Soomaaliyeed, waxaana uu u balan qaaday in uu ku dadaali doono sidii ay u heli lahaayeen tababaro la xiriira howlaha ciidanka Boliiska Soomaaliyeed.
Taliska Booliska Soomaaliyed ayaa fursad u siiyay Ardayda ka soo baxday Dugsiyada sare ee dalka inay ku soo biiraan ciidamada booliska qeybihiisa kala duwan, si bari ay u noqdaan saraakiishii hogaamin laheyd ciidanka.
