Xaflad shahaaddooyin lagu quddoonsiinayay boqollaal arday oo ka qalin jebisay Jaamacadda Soomaaliya ayaa maanta lagu qabtay magaalada Muqdisho.
Munaasabadani oo ay ku qalain jebinayeen ilaa 807 arday oo ka baxday kuliyado ay ka midka yihiin shareecada, maamulka iyo maareynta, iyo ingineerinka ayaa waxaa ka qeyb galay wasiirro iyo xildhibaano ka katirsan labada gole ee dowladda, aqoonyahanno, iyo maamulka jamacadda.
Ardayda shahaaddooyinka la guddoonsiiyay ee ka qalin jebisay jaamacadda Soomaaliya waxaa ka mid ahaa suxufiyiin ka tirsan shaqaalaha wasaaraddda warfaafinta kuwaasoo ka howlgala qeybaha warbaahinta dowladda.
Prof. C/raxmaan MAclin Axmed Ablaal guddoomiyaha jaamacadda Soomaaliya ayaa ka hadlay marxaladihii kaladuwanaa oo ay soo amreen ardaydaasi, wuxuuna ku boorriyaay hay’adaha dowladda iyo kuwa kale in ay fursado saqo siyaan dhalintaasi.
Xildhibaan Dr. Cismaan Maxmuud Dufle gudoomiyaha guddiga arrimaha bulshada ee baarlamanka Soomalaiya ayaa ku amaanay maamulka jaamacadda dadaalka ay ugu jiraan sare u qaadida aqoonta bulshada Soomaaliyeed, isagoo dhalinyarada qalinjebisay k boorriyay iney kaalin wax ku ool ah ka qaataan horumarinta dalka iyo dadka Soomaaliyeed.
Wasiiru-dowlaha waxbarashada, hiddaha iyo tacliinta sare C/laahi Bile Nuur, wasiirka howlaha guud iyo dib u dhsika ,Eng, Saalax seekh Cismaan iyo wasiirka dhalinyarada iyo cayaaraha ayaa dhamaantood ka hadlay qiimaha waxbarashadu u leedahay bulkshada Soomaaliyeed.
