Maamulka muโasasada Shariif Qulateen ayaa maanta waxaa uu ku wareejiyay safiirka Yemen ee Soomaaliya Iskuul loogu talagalay in ay wax ku bartaan ardayda qaxootiga Yemeniyiinta ah ee ku nool magaalada Muqdisho, kaasi oo ay goob joog ka ahaayeen Xildhibaan Ibraahim Saalax Deyfulah, Gudoomiyaha Dagmada Shangaani .
Gudaha Iskuulka oo ku dhow Safaarada Yemen ee Degmada Shangaani ayaa la geeyay 150 arday oo ka tirsan Qaxootiga Yemen, iyadoo lagu siiyay buugaagta iyo qalmaanta fasalada looga tala galay inay wax ku bartaan ee iskuulka Sharif Qulateen.
Related posts
Caamir Axmed Maxamed Jakayti Guddoomiyaha Muโasasada iyo Iskuulka Shariif Qulateen oo waxbarashada lacag laโaanta ah bixiyay ayaa sheegay inay garowsadeen in Carruurta Qaxootiga Yemen inay ku caawiyaan Waxbarashada oo fura u ah nolosha si aanay u halmaamin Soomaaliya.
Safiirka Yemen ee Soomnaaliya Danjire Maxamed Shaaโif iyo Xuseen Saalim oo ah Madaxa Jaaliyadda Yemen ee Soomaaliya ayaa ka mahad celiyay Waxbarashada Buugagta iyo Qalmaanta lacag laโaanta ee la siiyay Ardayda Qaxootiga Yemen.
Gudoomiyaha Dagmadda Shangaani Saciid Cabduqaadir Saciid Buwe ayaa tilmaamay in uu aad ugu faraxsanyahay in Qaxootiga Yemen ee Degmadaasi ku nool in Carruurtooda ay helaan waxbarasho lacag laโaan ah.
Xildhibaan Ibraahim Saalah Deyfalah oo ka tirsan Barlamaanka Federaalka ayaa sheegay dadka Soomaaliyeed ay waajib ku tahay in waxbarshada iyo taageerada dhinaca Nolosha ahba ay ku gacan siiyaan Qaxootiga Yemen sida ay inagu caawin jireen dhinaca waxbarasha.
Ardayda la siiyay waxbarashadda lacag laโaanta iyo Buugaagta oo faraxsan ayaa cabiray ayaa cabiray dareenkooda farxadeed.
