Kulanka baarlamaanka ee maanta oo uu shir guddoominayay Guddoomiye ku-xigeenka labaad ee Baarlamaanka Mudane Mahad Cabdalla Cawad ayna soo xaadireen 148 mudane ayaa furitaanka shirka golaha waxaa lagu hordhaariyay labo Xildhibaan oo baarlamaanka ku cusub kuwaasi oo kala ah Xildhibaan Cabdishire Cayaar jacel iyo Xildhibaan Cabdicasiis oo laduba badal Xildhibaan dhintay iyo mid xilka ka tegay.
Xildhibaannada ayaa warbixin ka dhageystay Guddiga gaadiidka, garoomada ee golaha shacabka, kuwaasi oo howlo shaqo u aaday dhanka deegaanada Maamulka Koonfurgalbeed ee dalka, isla markaana golaha u sharxay waxyaabihii ay soo arkeen.
Related posts
Sidoo kale Xildhibaanada ayaa maanta akhrinta koowaad marsiiyay hindise sharciyeedka Liiltirka iyo deeqaha ay yeelanayaan siyaasiyiinta oo ay soo diyaariyeen guddiga xeer hoosaadka Baarlamaanka.
Guddoomiye ku-xigeenka labaad ee Baarlamaanka Mudane Mudnae Mahad Cabdalle Cawad ayaa ugu baaqay Xildhibaanada ku maqan gobalada iyo dalka dibadiisa in ay soo xaadiraan kulamada golaha, maadaama uu goluhu horyaallo howlo muhiim ah.
Ugu dambeybii Xildhibaanada Baarlamaanka ayaa loo qeybiyay qaraar ku saabsan duqeynta dowladda Kenya ay ka waddo qeybo ka mid ah gobalka Gedo, halkaasi oo ay dhibaato xoogan ka soo gaartay dad xoolo dhaqata ah
