Shil baabuur oo sababay dhimashada lix arday caruur ah ayaa ka dhacay magaalada Chattanooga, gobolkaasi Tennessee ee dalkaasi Mareykanka kaddib markii uu waddada ka baxay baskii ay saarnaayeen.
35 caruur arday ah, ayaa la sheegay in ay saarnaayeen baskaasi shilku ku dhacay waxaana la xaqiijiyay in ay ku geeriyoodeen Lix caruur ah, waxaana sidoo kale shilkaasi ka badbaaday wadihii baskaasi kaasoo ay gacanta ku hayaan booliska oo su`aalo weydiinaya.
Booliska ayaa sheegay in marxaladda wadada ay aheyd mid fiican, waxaana ay iminka baarayaan sababta keentay in uu dhoco shilkan, Ardayda dhaawacantay ayaa waxaa loo qaaday isbitaalka Erlanger Hospital ee magaalada Chattanooga, ardaydan ayaa dhiganayay iskuuka Woodmore Elementary School ee isla magaaladaasi.
