Munaasabad lagu soo dhaweynayay Guddoomiyaha cusub ee Jaamacadda SIU oo ay soo qaban qaabiyeen Midowga Ardayda Jaamacadda ayaa waxaa ka qeyb galay Maamulka sare ee Jaamacadda, macalimiin, abwaanno, arday iyo marti sharaf kale oo munaasabadda lagu casuumay.
Munaasabadan soo dhawaynta ah oo ay ka hadleen xubno sare oo ka tirsan maamulka iyo macalimiinta Jaamacada SIU oo ay ka mid ahaayeen Madaxa maamulka iyo maaliyadda ee Jaamacadda mudane Maxamed Yuusuf Sheekh Cumar, madax xafiiska waxbarashada Jaamacadda mudane cabinafi Macalin Maxamuud, madax xafiiska arrimaha bulshada mudane Axmed Cabdihaadi Cabdullahi madaxa kuliyada ingineeriyada Sheekh Axmed Fu’ad Ismaaciil iyo Guddoomiyaha Midowga Ardayda mudane Cabdirxmaan Maxamed Fantastic.
Dhamaan xubnihii hadaly ayaa guddoomiyaha cusub ee Jaamacadda u rajeeyay in eebe u fududeeyo shaqooyinka cusub ee horyaalla, waxayna sheegeen in ay diyaar u yihiin in si kal iyo laab ah ula shaqeeyaan guddoomiyaha cusub.
Guddoomiyaha cusub ee Jaamacadda SIU Mudane Maxamed Cali Ismaaciil (Dacwa) oo gabagabdii xaflada ka hadalay ayaa maamulka iyo ardayda uga mahadceliyay dad’daalka ay ugu jiraan horumurka Jaamacadda, waxa uuna balan qaaday in uu dadaalka sii labo jibaari doono kana shaqayn doono tayaynta tacliinta, cadaaladda, howl karnimo iyo hufnaan kuwadi doono dhamaan shaqooyinka horyaala
Isbadalka maamulka Jaamacada SIU ayaa waxuu yimid kadib markii guddoomiyihii hore ee Jaamacadda Prof Yaxye Cali Ibraahim 15-kii bisha sideedaad loo magacaabay xoghayaha Joogtada ah ee Wasaaradda Arrimaha gudaha iyo Federaalka ee Xukuunmadda Soomaaliya.
Sawir Qaade:- Farxaan Suleymaan Daahir
