Ardayda Jaamacadda Camuud kuliyadda caaafimaadka gaar ahaan qeybta caafimaadka afka iyo ilkaha (Faculty of dentistry) oo ay weheliyaan maamulka kuliyadda iyo dhakhaatiir aqoon durugsan iyo takhasus gaara u leh caafimaadka afka iyo ilkaha oo socdaal shaqo ku tegay gobolada beri ee deegaannada maamulka Somaliland, ayaa halkaasi ka fuliyay adeegyo caafimaad.
Safarkaasi oo ahaa mid mutadawacnimo ah ayaa ardayda iyo maamulkooda oo is kaashanayaa adeegyo caafimaad oo kala duwan waxa ay u fidiyeeen dad weynaha ku dhaqan deegaanno hoostaga magaalooyinka Berbera iyo burco oo aan horey u arag adeeg caafimad mid noociisa ah.
Ardayda iyo maamulka ayaa barnaamijyo wacyigelineed u sameeyay dadkii ay la kulmeen, kaasi oo looga hadlay qiimaha caafimaadka Afka iyo ilkaha ay bulshada u leedahay, waxaana wafdiga ardayda hogaaminayay madaxa Kuliyadda Caafimaadka ee Jaamacadda Camuud, Dr Cabdirashiid Cumar Ibraahim.
Dhaqaatiirkta ayaa adeegyada caafimaad ka bilaabay MCH ka Jaamalaaye Berbera, iyagoo halkaasi ka fuliyay adeegyo caafimaad oo ay kamid yihiin buuxinta ilkaha, sifeynta ilkaha, daweyn, ka saaaris iyo la talin guud oo ay siinayeen dadkii ay adeegyada caafimaad u qabteen.
