Xaflad ay soo agaasimeen maamulka jaamacadda Jamhuuriya University laguna soo bandhigayay waxqabadka ardayda jaamacadda Jamhuuriya islamarkaana lagu dooranayay gudoomiyaha urureka ardaytda jaamacaddaasi ayaa lagu qabtay Muqdisho.
Munaasabaddaasi waxaa ka qeyb galay maamulkja jaamacadda, macalimiin, waalidiin, arday iyo marti sharaf kale
iyadoo intii ay socotay munaasabadda lagu soobandhigay wax qabadka iyo hoggaanka ardayda jaamacadda Jamhuuriya, waxaana abaalmarino iyo shahaddo sharaf lagu gudoonsiinayay qaar ka mid ah ardayda Jaamacaddaasi.
Gudoomiyaha cusub ee Midowga Ardayda Jaamacadda Jamhuuriya Maxamed Daahir oo munaasabdda kalmado dhiiri gelin leh ka jeediyay ayaa ka hadlay faa’iidooyinka ay leedahay midnimada isku duubnida ardayda jaamacaddaasi.
Madaxa arimaha ardayda jaamacadda Jamhuuruya ahna ku xigeenka hormuudka kuliyadda caafimaadka Dr. C/fitaax Ibraahim Cumar ayaa ardayda ku amaanay wax qabadkooda iyo hoggaanka ay sameysteen.
Gudoomiyaha jaamacadda Jamhuuriya prf Maxamud Axmed Jimcaale oo gabagabadii munaasabadda ka hadlay ayaa ardayda ku boorriyay in ay sii wadaan dadaaladooda ay ku soo ban dhigayaan wax qabadka ay muujiyeen, isagoo tilmaamay in ardayda jaamacdda Jamhuuriya ay yihiin kuwa u qalma in ay mustaqbalka hogaamiyaan wadanka.
