Munaasabadani oo ahayd mid lagu shaacinayay Urur ay ku mideysan yihiin Ardayda Soomaaliyeed ee wax ka dhigata jaamacadaha dalkani kenya ayaa waxaa ka qeyb galay Safiirka Soomaaliya ee dalkani kenya Mudane Jamaal Maxamed Xasan iyo masuuliyiin kale oo isugu jiray guddiga ganacsatada xaafada Islii,Culimaa udiin,Aqoonyahanno iyo arday aad u faa badan oo wax ka barta kenya.
Billowgii munaasabadda ayaa faadumo Abshir Geerre waxa ay ka warbixisay marxaladihii kala duwanaa ee uu soo maray ururkan iyo sababihii ay u aas aaseen urur ay ku mideysanyihiin ardayda Soomaaliyeed jaamacadaha kenya.
“Waxaan raadinay dhamman ardayda wax ka dhigata Jaamacadaha Nairobi,ka dibna waxan raadinay safaaradda si aan cawinaad uga helno,safiirka aad ayuu umahadsan yahay waqtiga uu nasiiyay oo aan kala hadalno arinta,qodobada aan kala hadalnay waxaa ka mid ah in ardayda soomaaliyeed ee kenya wax ka barata aysan helin fursadaha shaqo oo ay dad kale gacanta ku hayaan”
Munaasabadda oo ay hadalo bogaadin ah ka jeediyeen masuuliyiintii ka qeyb galay ayaa sheeq Maxamed Ibraahim Shakuul waxa uu ugu baaqay ardayda Soomaaliyeed ee dalkani kenya inay midoobaan oo ay ka qeyb qaataan ka hortaga in ardayda ay ku biiraan Kooxaha argagisida iyo Tahriibka.
“waa urur muhiim ah oo aad la shaqeysan kuwa musliminta oo aad urur firfircoon noqotaan,aqoonyahanada aad u yeerataan oo aad soo saartan dad qiimo leh oo qabyalada ka fog oo Somalinimada ku weyn tahay,oo xumaanta,tahriibka iyo xagjirka la dagaalamo in laga dhex helo waaye”
Safiirka Soomaaliya ee dalkani kenya mudane Jamaal Maxamed Xasan oo gaba gabadii munaasabadda hadal kooban oo dhiiri geli ah ka jeediyay ayaa waxa uu isna ugu baaqay dhamman ardayda wax ka barata kenya in ururkan ay ku biiraan si safaaradda Soomaaliya ay ugu fududaato inay uga faa ideeyaan Fursadaha Shaqo.
“Anagu ka saafarad ahaan si aan dadka soomaaliyeed ugu faa ideyno waxan u baahanahay inan ogaano Ardayda Soomaaliyeed ee wax ka barta Jaamacadaha,runtii way adagtahay inaad qofka shaqo la raadiso adigoon garaneyn aqoontiisa iyo meesha uu wax ka bartay,heerka aqoontiisa gaarsiisantahay iyo xirfadaha kale uu leeyahay,
waxaan idinka codsanayaa dhamantiin inaad ururkan ku xirnaataan oo aad is aruursataan,isku xirnaataan marka fursadahaa soo baxan aan idinkaga faa ideyno,hadii aaan tiro la heyn way adkaaneysaa in fursadaas aan qof Soomaali ah uga faa’ideyno”
