Maleeshiyaad ka tirsan argagixisada Al-shabaab, ayaa waddada u galay gaadiid waday shixnado raashiin ah oo isaga kala gooshayay magaalooyinka Baladweyne iyo Maxaas ee gobolka Hiiraan, Ku dhawaad 15-gaari oo siday raashiin ayay maleeshiyada Al-Shabaab dab qabad siiyeen halka dadkii la socday ay laayeen.
Nabadoon Cilmi Maxamed Barre oo ka tirsan waxgaradka gobolka Hiiraan ayaa Warbaahinta Qaranka u sheegay in nabad-diidka Al-Shabaab ay gubeen gaadiid siday shixnado ganacsi, kuwaas oo ku sii socday degmada Maxaas iyo deegaanada ku xeeran kana soo baxay magaalada Baladweyne ee xarunta gobolka Hiiraan.
Weerarada argagixisada Al-shabaab ay u geysanayaan dadka shacabka ee ka soo hayaamay deegaanada abaaruhu saameeyeen ee ka tirsan gobolada Hiiraan iyo Galgaduud ayaa muujinaya in looga awood roonaaday howlgalada sida wadajirka ah ay u fulinayaan ciidamada dowladda iyo dadka deegaanadaas ku sugan.
